Қазақстан Ұлттық олимпиада комитетінің президенті Геннадий Головкин Михаил Шайдоровты 2026 жылғы Қысқы Олимпиада ойындарында тарихи алтын медаль жеңіп алуымен құттықтады. Бұл туралы Vesti.kz жазады.
Головкин бұл медаль барлық есікті бірдей аша бермейтінін, ал мұндай үлкен жетістіктен кейін ең бастысы адамгершілік қасиеттерді сақтап қалу екенін атап өтті.
«Енді сен олимпиадалық отбасының мүшесісің. Бірақ бұл медальдің екінші жағы да бар. Даңқ пен атақтың сынағы. Адам болып қал. Олимпиада чемпионы атану – үлкен жауапкершілік. Олимпиадалық алтын – сенің еңбегің. Алайда ол сені адам ретінде айқындамайды. Адам ретінде қалыптасу үшін өзіңді ең алдымен адамгершілік қасиеттерің арқылы көрсетуің керек. Бұл медаль барлық есікті аша бермейді», – деді Головкин.
Өз кезегінде мәнерлеп сырғанаушы қазақстандықтарға көрсеткен қолдауы үшін тағы да алғыс айтып, сол қолдаудың өзіне үлкен күш бергенін мойындады.
Бұған дейін Тоқаев та Шайдоровты құттықтап, оны II дәрежелі Барыс орденімен марапаттайтынын мәлімдеген.
