Алматы – бүкіл әлемдегі ең лас қала

16 ақпанда кешкі сағат 17:00 шамасында Алматы қаласы ауа сапасының индексі (AQI⁺) 200-ге (өте зиянды) жетті. Қазір әлемде оңтүстік астанадан лас қала жоқ. Мәліметті IQAir жариялады.

Негізгі ластаушы: PM2.5 – 124.9 µg/m³. Бұл Дүниежүзілік денсаулық сақтау ұйымы белгілеген межеден, яғни қалыпты жағдайдан 25 есе жоғары.

Дәл қазір бүкіл әлемде Алматыдан лас қала жоқ. Ауа сапасы нашар 15 қаланың ішінде Ташкент те бар. Өзбекстан астанасының AQI⁺ индексі – 134.

Оңтүстік астананың әсіресе Райымбек батыр даңғылынан төменгі аудандарда индекс 238-ге дейін жетті, яғни «өте зияндыдан» «қауіпті» деңгейіне жетеқабыл болып тұр. Ал Қаскелеңде ауа сапасы 254 деп бағаланды.

Мегаполистің тауға жақын аудандарындағы ауа сапасы айтарлықтай таза. IQAir шаһардың жоғарғы жағындағы ауасының сапасын негізінен «орташа» деп бағалады.