Қазақстан кинотеатрларында өткен аптада көрермендер ең көп таңдаған фильмдер тізімі жарияланды. Freedom Ticketon мәліметінше, 12–15 ақпан аралығында прокатта жүрген картиналар арасында «Пейіш 2: Анама хат» фильмі бірінші орынға шықты.
Аптаның кассалық көшбасшылары
- Пейіш 2: Анама хат – 548 191 228 теңге (1 апта)
Фильм прокатқа жаңа шықса да, көрермен қызығушылығы жоғары болып, касса жинау бойынша бірінші орынға шықты. - Ғашықпын саған – 335 206 950 теңге (2 апта)
Өткен аптада көш бастап тұрған романтикалық драма екінші апта қатарынан жоғары табыс жинап, көрермен сұранысының әлі де жоғары екенін көрсетті. - GOAT: Асқақ арман – 171 471 405 теңге (1 апта)
Спорт тақырыбындағы мотивациялық мультфильм алғашқы аптасында-ақ үздік үштікке кірді.
Еске сала кетейік, өткен аптада ең көп касса жинаған фильмдер арасында «Ғашықпын саған» фильмі көш бастап тұрған еді.
