Ақтөбеде Qarakesek бүркеншік атымен танымал 31 жастағы рэпер Омар Аманбаевқа үкім шығарылды. Ол психотроптық затты заңсыз сақтағаны үшін кінәлі деп танылды.
Соңғы сөзінде музыкант өзінің кінәсін мойындап, кешірім сұрады және бас бостандығынан айырмауды сұрады. Оның орнына ол айыппұл немесе қоғамдық жұмыс бекітуді, сондай-ақ, емделуге мүмкіндік беруді ұсынды.
«Аманбаев тасымалдау мақсатынсыз психотроптық затты заңсыз сақтағаны үшін кінәлі деп танылды. Сот оған есірткіге тәуелділікті мәжбүрлеп емдеуді қолдана отырып, 100 сағаттық қоғамдық жұмыстар түрінде жаза тағайындады».
Соттың мәліметінше, оқиға 2025 жылдың 30 тамызында болған. Тексеру кезінде одан 0,26 грамм психотропты зат табылды.
Бұған дейін желіде Алматы үйлерінің бірінен табылған «Нарколаборатория» туралы ІІМ бейнеролигі талқыланып жатқанын жазған болатын. Ол 15 тәулікке қамауға алынып, 7 жыл мерзімге көлік құралын басқару құқығынан айырылды. Бейне Әуезов ауданындағы рейдтен кейін пәтерді аралау кезінде жарияланды.
