Рудныйда баланы құлағынан сүйреген азамат 100 сағаттық қоғамдық жұмысқа тартылады

Рудный қалалық соты сегіз жасар баланың құлағынан екі рет сүйреген ер адамға қатысты істі қарады. Іс материалдарына сәйкес, ол осы әдіспен бірге тұратын әйелінің ұлын тәрбиелеуге тырысқан.

Баланың туған әкесі айыпты болған азаматтың үстінен арыз түсірген. Сараптама баланың құлағында тері астындағы гематоманы көрсетті.

Прокурор ер адамға 100 сағаттық қоғамдық жұмыс тағайындауды сұрады. Баланың әкесі қылмыстық жаза болғанын қалады. Сотталушы кінәсін толық мойындап өкінген.

«Сот ер адамның бұрын сотталмағанын, бірақ қоғамдық тәртіпті бұзғаны және отбасылық-тұрмыстық қатынастар саласында әкімшілік жауапкершілікке тартылғанын ескерді. Іс бойынша барлық мән-жайды ескере отырып, сот оған 100 сағат мерзімге қоғамдық жұмыстар түрінде жаза тағайындады»,- деп хабарлады соттың баспасөз қызметі.

Бұдан басқа, баланың тұру және тәрбиелеу жағдайларын тексеру үшін қамқоршылық органына жеке қаулы шығарылды.

Үкім әлі күшіне енген жоқ.

Бұған дейін» Курсив » Жаркентте анасы туған ұлын батареяға байлап азаптағаны туралы жазған. Алайда 28 жастағы әйел қылмыстық жауапкершіліктен құтылды. Сот оны сараптама нәтижелері бойынша есі дұрыс емес деп таныды.