Тоқаевтың бұйрығымен Ұлттық Банк төрағасының орынбасары Берік Шолпанқұлов қызметінен кетті. Бұл туралы Ақорда хабарлайды.
«Мемлекет басшысының өкімімен Берік Шолпанқұлұлы Шолпанқұлов берген өтінішіне сәйкес Қазақстан Республикасы Ұлттық Банкі Төрағасының орынбасары лауазымынан босатылды», – деп жазылған хабарламада.
Осыған дейін Шолпанқұлов BES.media тілшісіне қазақстандық банктерден транзакцияланған 7 трлн теңге туралы пікір білдірген еді. Ол Тоқаевтың сөзінен кейін қазақстандық банктерде тексеру жүргізіліп жатқанын, бірақ ірі құқықбұзушылық байқалмағанын айтқан.
