Жамбыл облысы экс-әкімінің немере інісі Таиландтан есірткі тасымалдау ісімен ұсталды
Бұрын Жамбыл облысының және Шымкент қаласының әкімі болған Амалбек Тшановтың жиені-Жамалбек Бақдәулет Алматыда есірткімен ұсталды. Ақпаратты қаржы мониторингі агенттігінің баспасөз қызметі растады.
Тергеу мәліметтері бойынша, жас жігіт халықаралық пошта арқылы Қазақстанда есірткі сатуды ұйымдастырмақ болған. Ол үшін өзінің қылмыстық жоспарларынан хабардар емес делдалдарды тартпақ болады: сөйтіп өзінің кәсіпкерлік қызметінде бұрын алынған жеке деректерді пайдаланғысы келді. 2025 жылдың тамызында күдікті каннабис сығындысын Таиланд Корольдігінен халықаралық пошта арқылы жіберген есірткі сатушылармен байланыс орнатқан.
Бақдәулет өткен жылдың қыркүйек айында Алматының сауда-ойын-сауық орталықтарының бірінде курьерден «Қазпоштамен» келген затты алу әрекеті кезінде ұсталған. Қазіргі уақытта Тшановтың туысы қамауда отыр.
Амалбек Тшанов – белгілі қазақстандық саясаткер. Оның мемлекеттік қызметтегі мансабы негізінен 1990-шы жылдары қалыптасқан. 1991 жылғы президенттік сайлауда Нұрсұлтан Назарбаевтың сенімді өкілі, Шымкент пен Жамбыл облысының әкімі болып жұмыс істеді. Сондай-ақ құрылыс, тұрғын үй-коммуналдық шаруашылық және аумақтық даму министрі де болған.
Амалбек Тшанов бірер күн бұрын президентке үндеу жолдаған. Конституциялық реформа асығыс жүргізіліп жатқанын айтып, реформаны әлі де талқылай түсуге шақырған.
