Пәкістан-Ауғанстан соғысы: СІМ қазақстандықтарға үндеу жасады
Қазақстан СІМ Пәкістан мен Ауғанстан арасындағы соққылардан кейін қаза тапқандар мен зардап шеккендердің арасында Қазақстан азаматтары жоқ екенін хабарлады. Жанжалға байланысты консулдық мекемелерге өтініш түспеген.
Алайда баспасөз қызметі Ауғанстандағы Қазақстан елшілігінде консулдық есепте қазақстандықтар жоқ екенін атап өтті.
«ҚР СІМ жағдайды қадағалауды жалғастырады және қажет болған жағдайда консулдық-құқықтық көмек көрсетеді, сондай-ақ, оқиғаның өршуіне қарай қосымша ақпарат береді», – деп түсіндірді ведомствода.
Еске салайық, 2026 жылдың 22 ақпанында Пәкістан шекаралас Ауғанстан аудандарына әуе шабуылдарын жасады. 26 ақпанда Ауғанстан Пәкістан территориясына соққылармен жауап берді. 27 ақпанда таңертең Пәкістан тағы да шабуыл жасады. Бұл жолы Кабул, Кандагар және Пактия провинциясын атқылады. Ауғанстан астанасында кем дегенде үш жарылыс болды. Пәкістанның Қорғаныс министрі елдер арасында «ашық соғыс» басталды деп мәлімдеді.
