«Реал Мадрид» – «Манчестер Сити»: Чемпиондар лигасының жеребесі тартылды

2025/2026 жылғы маусымдағы Чемпиондар лигасының 1/8 финал кезеңіне жеребе тарту рәсімі өтті. Швейцарияның Ньон қаласында өткен шарада Еуропаның үздік клубтары өз қарсыластарын білді.

1/8 финал жұптары:

• Реал Мадрид – Манчестер Сити
• Буде-Глимт – Спортинг
• ПСЖ – Челси
• Барселона – Ньюкасл
• Ливерпуль – Галатасарай
• Атлетико Мадрид – Тоттенхэм
• Аталанта – Бавария
• Байер – Арсенал

Бұл кезеңнің матчтары екі ойыннан тұрады. Алғашқы кездесулер 10–11 наурызда, жауапты матчтар 17–18 наурыз күндері өтеді.

1/8 финалда бірқатар тартысты қарсыластар анықталды. Әсіресе «Реал Мадрид» пен «Манчестер Сити» арасындағы текетірес, сондай-ақ «ПСЖ» мен «Челси» жұптары жанкүйерлер қызығушылығын арттырып отыр.

Еске сала кетейік, бұған дейін Футболдан Қазақстан кубогының жеребесі де тартылған еді.