Ұзақ ғарыштық сапарларға арналған тағам әзірлене бастады
Ұзақ ғарыштық сапарларға арналған тағам әзірлене бастады. NASA ғарыштағы ферменттелген өнімдер үлгілерін зерттемек.
NASA мәліметінше, адам денсаулығы үшін аса маңызды кейбір қоректік заттарды сақтау мерзімін ұзартпақ. Қазіргі меже Айға, Марсқа және одан да алыс миссияларға төтеп бере алмайыды.
Тәжірибе жүргізіліп жатыр
Сондықтан, NASA BioNutrients-3 жобасын қолға алып отыр. Микроорганизмдерді ғарышта және қажет болса, қоректік заттарды өндіру үшін пайдалану керек. Оның тәсілдерін зерттеуге бағытталған тәжірибелер жүргізіліп жатыр.
Бұл тәжірибе «қажет болған кезде өндіру» қағидатына негізделген. Жердегі қоректік заттарға бай ферменттелген өнімдерді өндіруге ұқсайды. Мысалы, пайдалы бактериялар сүтті йогуртқа айналдырады. Алайда бұл жағдайда болашақ ғарыш зерттеушілеріне керек қоректік заттардың белгілі бір түрлерін қажетінше өндіруге ерекше назар аударылмақ.
Жақында Жерге жеткізіледі
BioNutrients-3 миссиясының үлгілері, сондай-ақ басқа да маңызды тәжірибелердің нәтижелері Жерге жеткізіледі. International Space Station станциясынан SpaceX компаниясының Dragon ғарыш кемесі арқылы, NASA-ға арналған компанияның 33-коммерциялық жабдықтау миссиясы аясында жүзеге аспақ.
Үлгілер Жерге оралғаннан кейін Калифорниядағы Силикон алқабында орналасқан NASA Ames Research Center ғылыми тобы талдау жүргізеді.
Алыс ғарышты игеру керек
Бұл зерттеу нәтижелері NASA-ға «Artemis» бағдарламасы аясында адамның алыс ғарышты игеруін қолдау үшін өмірлік маңызды қоректік заттарды өндіру әдістерін әзірлеуге көмектесуі мүмкін.
NASA BioNutrients-3 жобасы – NASA-ның Ғарыштық технологиялар басқармасына қарасты Game Changing Development бағдарламасы қаржыландыратын синтетикалық биология жобасының бір бөлігі.
Мұның алдынжа смартфонның ғарыштық технология болып шыққанын жазған едік.
