Иран Сауд Арабиясында орналасқан, әлемдегі ең ірі мұнай өңдеу зауыттарының біріне соққы жасады.
Мұнай алыбына жасалған шабуыл
The Economic Times басылымының хабарлауынша, соққы Сауд Арабиясының Рас-Таннур қаласындағы әйгілі ARAMCO мұнай өңдеу зауытына бағытталған.
Бұл нысан жай ғана кәсіпорын емес, дүниежүзі бойынша мұнай өңдеу мен экспорттаудағы ең ірі күретамыры саналады.
Шабуыл салдарынан болған шығын мен зардап шеккендер туралы нақты мәлімет әлі де нақтыланған, алайда бұл оқиға жаһандық энергия нарығын теңселтіп жіберуі мүмкін.
Аспан астындағы үрей: БАӘ әуе кеңістігін қайта ашты
Таяу Шығыстағы шиеленістің ушығуына байланысты Біріккен Араб Әмірлігі өз әуе кеңістігін уақытша жапқан болатын.
Соңғы мәліметтер бойынша, жағдай сәл тұрақталғаннан кейін, Абу-Даби әуежайынан туристер мінген алғашқы ұшақ көкке көтерілді.
Осы оқиғалар аясында АҚШ президенті Дональд Трамп шұғыл мәлімдеме жасады. Оның айтуынша, Америка әскері Иранның стратегиялық маңызы бар 9 әскери кемесін жойып жіберген.
Трамп Тегеранға қатаң ескерту жасап, егер шабуылдар тоқтамаса, Иранның қалған теңіз техникасын «мұхит түбіне жіберетінін» айтып, сес көрсетті.
