Әлеуметтік желілер мен телеграм-арналарда Иран соққысынана кейін Дубайдың элиталы ең қымбат қонақүйлеріндегі баға бірден 60%-ға арзандағаны туралы ақпарат тарап жатыр.
Желіде тараған сринге сенсек, Дубайдың Burj Al Arab Jumeirah , Atlantis The Royal, Armani Hotel Dubai сынды қонақүйлерінің бағасы 60%-ға дейін арзандаған-мыс. Алайда жаһандық брондау жүйелері мен агрегаторлардан (Booking.com, Kayak, Skyscanner және Agodа) алынған дерек бойынша, атыс басталғаны бері баға қатты арзандамаған.
| Қонақ үй атауы | 28 ақпан | 2 наурыз | Дереккөз (Агрегатор) |
| Burj Al Arab Jumeirah | $1,760 – $2,450 | $1,210 – $1,620 | Kayak / Booking |
| Atlantis The Royal | $1,480 – $1,900 | $910 – $1,350 | Booking / Skyscanner |
| Armani Hotel Dubai | $850 – $1,100 | $620 – $780 | Kayak / Skyscanner |
| Address Downtown | $740 – $950 | $425 – $615 | Kayak / Booking |
| FIVE Palm Jumeirah | $450 – $580 | $280 – $430 | Skyscanner / Kayak |
Ақпан айы Дубайда туристік маусымның ең қызатын кезі. Skyscanner деректері бойынша, ақпан – қонақүй бағасы ең жоғары ай. Орташа тәуліктік құны 469 доллар шамасында қалыптасады. 28 ақпан сенбі күніне сәйкес келгендіктен, бағалар демалыс күні ең қымбат бағаны ұстап тұр.
Әлемдегі жалғыз 7 жұлдыз қонақүй – Burj Al Arab дрон соққысынан өртенді. Burj Al Arab ғимаратының бір бүйірі өртеніп жатқаны туралы видеолар әлеуметтік желілерде тез тарады. 321 метрлік биік ғимараттың бірінші қабаттан алтыншы қабатына дейін от шалғаны байқалды. Қонақүй 60 қабаттан тұрады.
