Қаңтар айында ипотекаға деген сұраныс артқан

2026 жылдың қаңтар айында еліміздің несие нарығында қарама-қайшы үрдістер байқалды. Қаржы нарығын реттеу және дамыту агенттігінің мәліметінше, жыл басында халыққа берілген жаңа несие көлемі өткен жылдың сәйкес кезеңімен салыстырғанда 2%-ға азайып, 1,27 млрд теңгені құрады.

Басты себебі – тұтынушылық қарызға деген сұраныстың азаюы. Атап айтқанда:

• Тұтынушылық несие көлемі 5,8%-ға азайып, 1 млрд теңге деңгейінде тоқтады.
• Кепілсіз несие тіпті 7,3%-ға қысқарған.

Тұрғын үй нарығындағы серпіліс

Тұтынушылық несиелердің азаюына қарамастан, ипотека нарығы таңғаларлық өсім көрсетті. Қаңтар айында жаңа ипотека көлемі бірден 22%-ға артып, 155 млрд теңгеге жетті.

Бұл көрсеткіш халықтың баспана сатып алуға деген ынтасының әлі де жоғары екенін айқын аңғартады. Сонымен қатар кепілді тұтынушылық несиелер де оң динамиканы сақтап, 2,9%-ға (166 млрд теңге) өскен.

Кәсіпкерлік саласында да жандану нышандары байқалады. Бизнес өкілдеріне берілген қарыз көлемі 28,7%-ға артып, 1,3 млрд теңгені құрады.