Air Astana Таяу Шығыстағы қазақстандықтар үшін жаңа рейстер жоспарлады

Air Astana әуе компаниясы Сыртқы істер министрлігімен бірлесіп, азаматтарды Жиддадан қайтару үшін 7, 8 және 9 наурыз күндері репатриациялық рейстерді орындауды жоспарлап отыр.

Жарияланған кестеге сәйкес, 7 наурызда келесі рейстер жоспарланған: KC2228 Жидда (ұшу 13:45) – Атырау (қону 22:05); KC2234 Жидда (ұшу 16:15) – Атырау (қону 00:35, 8 наурыз); KC2226 Жидда (ұшу 16:55) – Атырау (қону 01:15, 8 наурыз).

8 наурызда Атыраудан Алматыға келесі рейстер жоспарланған: KC8860 (ұшу 00:05) – (келу 03:00); KC8840 (ұшу 02:35) – (келу 05:30); KC3180 (ұшу 03:15) – (келу 06:10).

Сондай-ақ, осы күні Жиддадан Атырауға мына рейстер қарастырылған: KC2236 (ұшу 13:45) – (келу 22:05); KC2238 (ұшу 15:05) – (келу 23:25).

9 наурызда Атырау – Алматы бағыты бойынша қосымша рейстер жоспарланған: KC8860 (ұшу 00:05) – (келу 03:00); KC8840 (ұшу 01:25) – (келу 04:20).

Бұдан бөлек, 8 наурызда әуе компаниясы өзінің жеке эвакуациялық рейстерін орындауға ниетті: KC2242 Жидда (ұшу 16:15) – Атырау (қону 00:35); KC8780 Атырау (ұшу 02:35) – Алматы (қону 05:30); KC2246 Жидда (ұшу 16:50) – Атырау (қону 01:10); KC8900 Атырау (ұшу 02:10) – Алматы (қону 05:05).

Әуе компаниясы Таяу Шығыстағы жағдайды жіті қадағалауды жалғастырып жатқандарын атап өтті.

Бұған дейін Қазақстанның Сыртқы істер министрлігі азаматтарға өңірдегі белсенді соғыс қимылдары тоқтап, жағдай тұрақталғанға дейін Таяу Шығыс елдеріне барудан бас тартуды ұсынғанын жазған едік.