Алматыда 8 наурызда гүл сататын орында қалай алуға болады?

Алматыда кәсіпкерлер Халықаралық әйелдер күніне орай гүл сату үшін ресми сауда орындарын ала алады. Бұл туралы қалалық әкімдік хабарлады.

Мерекеге дайындық аясында билік өкілдері 1150 арнайы нүктені бөлді. Бұл орындарда гүлдер 6-8 наурыз аралығында сатылады.

Орын алу үшін кәсіпкер аудандық әкімдікке өтініш беруі қажет. Бос орындар болған жағдайда, мамандар сол жерде гүл сатуға рұқсат қағазын береді.

«Арнайы бөлінген орындардан тыс жерде сауда жасауға жол берілмейді. Кәсіпкерлерден белгіленген талаптарды сақтауды және гүлдерді тек ресми бекітілген локацияларда сатуды сұраймыз», – делінген хабарламада.

Аудандық әкімдіктердің байланыс мәліметтері:

• Алатау ауданы: Жанқожа батыр көшесі, 26. Тел: +7 (727) 299-84-23;
• Алмалы ауданы: Төле би көшесі, 67. Тел: +7 (727) 313-31-02;
• Әуезов ауданы: 8-шағын аудан, 4Б үй («Абай» бизнес-орталығы). Тел: +7 (727) 338-46-05;
• Бостандық ауданы: Айманов көшесі, 191. Тел: +7 (727) 274-83-08;
• Жетісу ауданы: Құлагер шағын ауданы, Серіков көшесі, 2А. Тел: +7 (727) 384-27-60;
• Медеу ауданы: Пушкин көшесі, 72. Тел: +7 (727) 291-60-72;
• Наурызбай ауданы: Шұғыла шағын ауданы, 347. Тел: +7 (727) 308-70-20;
• Түрксіб ауданы: Шолохов көшесі, 9. Тел: +7 (727) 221-21-78.