Апта қорытындысы: Мұнай дүрбелеңі және «Трамп факторы»
Өткен апта қаржы нарығы үшін нағыз «адреналинге» толы болды. Геосаяси шиеленіс пен энергия тасымалдаушылардың қымбаттауы инвесторларды сақтыққа итермелеп отыр. Kursiv Media наурыз айының алғашқы аптасын қорытындылады.
Мұнай және Шикізат: «92 доллардан асты»
Мұнай бағасының $92,88-ға дейін күрт секіруі (+27,7%) – аптаның басты тренді. Оған себеп: Ормуз бұғазының блокада қаупі. Егер жағдай ушықса, Brent бағасы келесі белесті $95 деңгейін бағындыруы мүмкін.
- Алтын: Тәуекелдерге қарамастан, сәл төмендеп, $5 163,5 деңгейінде тұр.
- Биткоин: Крипто-оптимистердің арқасында $68 000 межесінен асып, өсім көрсетті (+3,23%).
Әлемдік нарықтар: Пессимизм басым ба?
АҚШ нарығындағы ірі ойыншылар («крупняк») қаша бастағандай: соңғы күндері SPY ETF қорынан 10,8 млрд доллар шығарылды.
- S&P 500: Төмендеу трендінде, мақсатты меже – 6550-6650 пункт.
- Трамп және Иран: Нарық демалыс күндерін үреймен күтуде. Ақ үй «әскери шешім» мен «дипломатия» арасында таңдау жасап жатыр. Егер прогресс болмаса, қор индекстеріне қысым одан әрі күшейеді.
Қазақстан нарығы: Теңге мен Акциялар
Ұлттық валюта тұрақтылықты сақтауға тырысуда. Доллар бағамы 493,85 теңге маңында нығайды.
- KASE индексі: Шамалы өсім бар (+0,59%).
- ТОП компаниялар: KazTransOil (KZTO): +12,30% — мұнай тасымалына деген сұраныс аясында апта лидері.
- ҚазМұнайГаз (KMGZ): +9,01% — жоғары мұнай бағасы компания акцияларына оң әсер етті.
- Қазатомөнеркәсіп (KZAP): -5,97% — аптаның ең үлкен құлдырауын көрсетті.
Мұнай бағасының өсуі инфляцияны қайта қоздыруы мүмкін. Сондықтан, АҚШ ФРЖ (ФРС) тарапынан мөлшерлемені төмендету туралы күзге дейін ұмытуға тура келетін сияқты. Қазақстанның Ұлттық Банкі осы жұмада базалық ставканы 18,00% деңгейінде сақтап отыр.
