Қазақстандық гимнаст Милад Карими Бакуде өтіп жатқан спорттық гимнастикадан Әлем кубогының екінші кезеңінде еркін жаттығудан финалда екінші орын иеленді.
Финалдағы өнері үшін Карими төрешілерден 14,300 балл алды. Жеңісті беларусьтік гимнаст Егор Шарамков(14,533) иеленсе, қола жүлдені хорватиялық Аурел Бенович (14,100) еншіледі.
| Орын | Спортшы | Ел | Нәтиже | Қалуы |
| 1 | Егор Шарамков | Беларусь | 14,533 | – |
| 2 | Милад Карими | Қазақстан | 14,300 | 0,233 |
| 3 | Аурел Бенович | Хорватия | 14,100 | 0,433 |
Спорттық гимнастикадан 2026 жылғы Әлем кубогының екінші кезеңі 5-8 наурыз аралығында Бакуде (Әзірбайжан) өтуде. Жалпы алғанда, жекелеген снарядтар бойынша он медаль жиынтығы сарапқа салынады. Қазақстан құрамасынан жеті спортшы қатысуға өтінім берген.
