8 наурызда Павлодар облысының әкімі Асайын Байханов тұрғындармен ән айтты. «Жанр» шығармашылық орталығы түсірген әсерлі видео желіде тарады.
Идеяға сәйкес, жаяу жүргіншілерге ақын Қайрат Жұмағалиевтің сөзіне жазылған, Қазақстанның еңбек сіңірген артисі Марат Омаровтың «Анашым» әнінің жолдарын айту ұсынылды. Әнге ондаған қала тұрғыны қосылған. Олардың арасында Павлодар облысының әкімі қосылды.
Байханов түскен видео желіде кең таралды. Қолданушылар 8 наурызға арналған құттықтау жазып, аналарына деген алғыс сөздерін бөлісті.
«Кез келген адам, әсіресе, осындай жауапты қызметте отырып, шығып ән айтуға батылы бара бермейді», – деп атап өтті пікір қалдырушылар.
Еске сала кетейік, әкім Асайын Байханов әлеуметтік желілердегі ерекше тікелей эфирлерімен танымал. Бірнеше жыл бұрын ол мыңдаған оқырманның көзінше Ертіс жайылмасындағы маса мен шіркейді улау жұмыстарын басқарған.
