Ядролық отынмен жұмыс істейтін шағын ұшқышсыз аппарат жасалып жатыр

Америкалық ғалымдар ғарышқа ұшатын ядролық отынмен жұмыс істейтін шағын ұшқышсыз аппарат жасап жатыр.

Оның көлемі автокөліктен үлкен болмайды. Dragonfly (инелік – ред.) миссиясының тікұшақ аппараты интеграция және сынақ кезеңіне өтіп отыр.

NASA-ның жұмыстары Johns Hopkins Applied Physics Laboratory (APL) зертханасының Мэриленд штатындағы Лорел қаласында орналасқан басқару орталықтарында ресми түрде басталды.

Бұл кезеңде тікұшақ тәрізді қону модулін құрастыру және оны ұшыру талаптары мен ғарыштың экстремалды жағдайларына сәйкестігін тексеру жұмыстары жүргізілуде.

APL зертханасы NASA үшін көлік көлеміндей, ядролық отынмен жұмыс істейтін ұшқышсыз аппарат жасап жатыр. Оған үкіметтік, өнеркәсіптік және академиялық ұйымдардың командалары ат салысуда.

Dragonfly аппаратының ұшырылуы 2028 жылдан ерте жоспарланбайды. Ол шамамен алты жылдық сапармен Титанның серігіне аттанып, онда бірнеше аймақта зерттеу жүргізеді. Ғалымдар бұл миссия арқылы Титанның химиялық құрамы, геологиясы және атмосферасын зерттеп, Жердегі өмірдің химиялық пайда болуы туралы түсінікті тереңдетуді көздеп отыр.

Dragonfly жобасының интеграция және сынақ бөлімінің жетекшісі Аннет Долбоу бұл кезеңді миссия үшін маңызды тарихи белес деп атады. Оның айтуынша, инженерлер мен ғалымдар бірнеше жыл бойы компьютерлік модельдер мен зертханаларда жасалған жобаларды енді нақты ұшу жүйесіне айналдыруға кіріспек.

Айта кететін жайт, NASA көзге көрінбейтін нәрселерді түсіре алатын камера шығарған еді.