«Қайрат» – «Ақтөбе» ойынының тікелей трансляциясы

Жарияланды 16 Наурыз 2026 15:42

Бүгін Алматыда Қазақстан Премьер-лигасының кезекті туры аясында «Қайрат» пен «Ақтөбе» командалары кездеседі.

«Қайрат» пен «Ақтөбе» жүлделі орындардан басты үміткерлер. Сондықтан бұл ойын турнир кестесіндегі жағдайға тікелей әсер етеді.

Ойынды қайдан көруге болады?

Матч Астана уақытымен 19:00-де басталады. Трансляцияны келесі платформалардан тамашалай аласыз:

Qazsport телеарнасы (тікелей эфир);
Телеарнаның ресми сайты;
KFF League YouTube-арнасы.

Сондай-ақ бүгін «Тобыл» мен «Жетісу» арасындағы кездесуді де Qazsport арнасы сағат 15:00 де көрсетеді.

Бірінші турда «Қайрат» Өскеменнің «Алтайын» 1:0 есебімен тізе бүктірді. Ойынның 64-минутында португалиялық жартылай қорғаушы Жоржиньо жеңіс голын соғып, командасын көшбасшылар қатарына шығарды.

Айта кетейік, «Қайрат» пен «Ақтөбе» ойынына барлық билеттер бір тәулік ішінде сатылып кеткен. Сондай-ақ ойын алдында алматылық полиция күшейтілген режимге көшті.