Наурыз мейрамының онкүндігі аясында 17 наурыз – Шаңырақ күні деп жарияланған. Бұл күн отбасылық құндылықтарды дәріптеуге, ұрпақ тәрбиесі мен шаңырақ бүтіндігіне арналады.
Қазақ халқы үшін «шаңырақ» ұғымы әулеттің тұтастығының, береке-бірлігінің және ұрпақ сабақтастығының символы. Шаңырақ күнін атап өтудің басты мақсаты – жас ұрпаққа жанұядағы сыйластықты, ата-ана алдындағы парызды және ұлттық тәрбиенің маңыздылығын ұғындыру.
Бұл күні ағайын-туыс бір-біріне қонаққа барып, үлкендердің батасын алады. Қазіргі таңда бұл мереке тек бір отбасының аясында ғана емес, жалпыұлттық деңгейде түрлі мәдени және әлеуметтік іс-шаралармен өрбіп келеді.
17 наурыз: Алматы қаласындағы іс-шаралар кестесі
10:00 – «Отбасы құндылықтары» атты дөңгелек үстел (Нұркент шағынауданы, 5, «Бақытты отбасы» орталығы).
11:00 – «Наурыз – Ұлыстың ұлы күні» атты әдеби шолу және поэзия кеші (№1 балалар кітапханасы).
11:00 – «Отбасы құндылықтары» тақырыбындағы дөңгелек үстел: ата-аналармен, ардагерлермен және құрметті ақсақалдармен кездесу (Төле би көшесі, 160, «Шыңға өрле, биікке самға» орталығы).
11:00 – «Шаңырақ» отбасын қолдау орталығының қатысуымен іс-шара (Отбасын қолдау орталығы, Розыбакиев көшесі, 250).
11:00 – Наурызбай ауданы «Бақытты отбасы» орталығы қатысушыларына арналған форум (Жүнісов көшесі, 10).
11:00 – «Бір шаңырақ астында» атты дөңгелек үстел (Сағи Әшімов көшесі, 206а, «Шыңға өрлеу» әлеуметтік орталығы).
12:00 – көпбалалы отбасыларға арналған Н. Сац атындағы орыс мемлекеттік академиялық балалар мен жасөспірімдер театры репертуарындағы спектакльдің қайырымдылық көрсетілімі (Оқушылар сарайы).
Еске сала кетейік, бұған дейін Алматыда Наурызнама аясында өтетін іс шараларды жазған едік.
