Бразилия әлем чемпионаты алдында құрамасын жариялады
Бразилия ұлттық құрамасының бас бапкері Карло Анчелотти алдағы көктемгі жолдастық кездесулерге қатысатын футболшылардың есімін атады. Бұл ойындар 2026 жылы АҚШ, Канада және Мексикада өтетін Әлем чемпионатының алдындағы соңғы дайындық кезеңі болмақ.
Неймар тағы да тыс қалды
Құрама тарихындағы үздік сұрмерген, қазіргі уақытта «Сантос» сапында өнер көрсетіп жүрген Неймар Жуниор тағы да шақыру алмады. Италиялық маман қызметіне кіріскеннен бері жұлдызды шабуылшыны бірде-бір рет негізгі өтінімге қосқан жоқ.
Құрама сапында:
- Қақпашылар: Алисон Бекер («Ливерпуль»), Бенто Маттеус Крепски («Аль-Наср»), Эдерсон Мораес («Фенербахче»).
- Қорғаушылар: Алекс Сандро («Фламенго»), Глейсон Бремер («Ювентус»), Данило Луис да Силва («Фламенго»), Дуглас Сантос («Зенит»), Габриэл Магальяйнс («Арсенал»), Рожер Ибаньес («Аль-Ахли»), Лео Перейра («Фламенго»), Маркиньос («ПСЖ»), Уэсли Франса («Рома»).
- Жартылай қорғаушылар: Андрей Сантос («Челси»), Каземиро («Манчестер Юнайтед»), Данило («Ботафого»), Фабиньо («Аль-Иттихад»), Габриэл Сара («Галатасарай»).
- Шабуылшылар: Эндрик («Лион»), Габриэл Мартинелли («Арсенал»), Игор Тьяго («Брентфорд»), Луис Энрике («Зенит»), Матеус Кунья («Манчестер Юнайтед»), Рафинья («Барселона»), Райан Кристие («Борнмут»), Винисиус Жуниор («Реал Мадрид»), Жоао Педро («Челси»).
Алдағы ойындар кестесі
Бразилия құрамасы Әлем чемпионаты қарсаңында еуропалық алпауыттармен күш сынасады: 26 наурыз күні Бразилия Франциямен ойнаса, 1 сәуір Бразилия – Хорватия ойыны өтеді. Бұл матчтар Анчелотти үшін негізгі құрамды түпкілікті анықтаудың соңғы мүмкіндігі болмақ.
Биылғы футболдан әлем чемпионаты 11 маусым мен 19 шілде аралығында АҚШ, Мексика, Канада елдерінде өтеді. Еске сала кетейік, бұған дейін іріктеу ойындарынан өтіп, әлем чемпионатына жолдама алған Иран құрамасы айтулы додаға қатыспайтын болды.
