FlyArystan акционерлерінің 12 наурызда өткен жалпы жиналысы әуе компаниясының президенті Ричард Леджерге 2025 жылға арналған бонусты бекітілген жеке ең жоғары бонус мөлшерінің 35,5% деңгейінде белгілеу туралы шешім қабылдады.
«FlyArystan президенті Ричард Леджер мырзаға 2025 жылғы қызмет қорытындысы бойынша сыйақы төлемінің (қоғам қызметінің нәтижелері бойынша жылдық бонус) мөлшері 2025 жылдың қорытындысы бойынша жылдық сыйақы төлеу шарттарына сәйкес, бекітілген жеке ең жоғары бонус мөлшерінің 35,5% деңгейінде анықталсын», – делінген компания шешімінің құжаттамасында.
Сонымен қатар, әуе компаниясы AirAstana мен FlyArystan-ның ортақ міндеттемелерімен Airbus A320ceo ұшағының операциялық лизинг шартын 48 айға (төрт жыл), яғни 2031 жылдың 26 ақпанына дейін ұзарту туралы келісім жасасуға шешім қабылдады. Келісім лизинг беруші ретінде OLEA AVIATION 2 (IRELAND) LIMITED компаниясы, лизинг алушы ретінде AirAstana және бірлескен лизинг алушы ретінде FlyArystan арасында жасалады.
Сондай-ақ, Airbus A320neo ұшағының операциялық лизинг шартына өзгерістер енгізілуде. Борттың жаңа лизинг берушісі ACG Aircraft Leasing Ireland Limited болады (қазіргі лизинг беруші – Avolon Leasing Ireland 5 Limited компаниясы). Лизинг алушы FlyArystan болады, ол AirAstana-мен FlyArystan-ның операциялық лизинг шарты бойынша міндеттемелеріне кепілдік беру туралы шарт жасасады.
Бұдан бөлек, әуе компаниясы «ҚазМұнайГаз-Аэро» («ҚазМұнайГаз» құрамына кіреді) компаниясынан 2026 жылдың ақпан-желтоқсан айларында авиакеросин сатып алу туралы мәміле жасайды. Сондай-ақ, FlyArystan AirAstana мен FlyArystan арасындағы бұрынғы қызметкерлердің 2026-2028 жылдардағы берешектеріне қатысты талап ету құқығын басқаға беру шарттарын бекітеді.
FlyArystan 2024 жылы 36,8 млрд теңге табыс тапты (2023 жылы табыс болған жоқ), сонымен қатар 3,1 млрд теңге шығынға ұшырады.
