«Қазақстан Халық банкі» АҚ (Halyk Bank) акционерлерінің кезекті жиынында 2025 жылдың қорытындысы бойынша дивиденд төлеу туралы шешім қабылданды. Банк басшылығы төлем көлемі мен мерзімін бекітті.
Төлем көлемі және шарттары
Ресми мәліметке сәйкес, 2025 жыл үшін бір жай акцияға шаққандағы дивиденд мөлшері 30,10 теңгені құрады. Дивидендтерді төлеу процесі 2026 жылғы 18 мамырда басталады.
Төлемдерді алуға құқылы акционерлердің тізімі 2026 жылғы 30 сәуірдегі (Алматы уақытымен сағат 00:00-дегі жағдай бойынша) тізілім негізінде жасалады. Барлық қаражат акционерлердің шоттарына қолма-қол ақшасыз нысанда аударылады.
Табысты бөлу стратегиясы
Банктің 2025 жылғы таза табысының дивиденд төлеуден қалған бөлігі бөлінбейді. Ол қаражат «бөлінбеген таза табыс» ретінде банктің меншікті капиталында қалып, қаржы институтының ары қарайғы тұрақтылығы мен дамуына бағытталмақ.
Акционерлік құрылым: Негізгі үлескерлер кім?
2026 жылдың 1 қаңтарындағы жағдай бойынша, Halyk Bank-тің акционерлік құрылымы төмендегідей:
- «АЛМЭКС» холдингтік тобы» АҚ – 62,0% (6,7 млрд-тан астам акция);
- The Bank of New York Mellon (номиналды ұстаушы) -34,9%;
- Өзге де акционерлер – 3,1%.
Қазіргі таңда айналымдағы жалпы жай акциялардың саны 10 899 559 145 дананы құрайды.
Акция бағасы
Астана уақытымен 12:01 де KASE қор нарығында Halyk Bank (HSBK) бір дана акция құны- 388,9 теңгені құрап отыр. Бұл төлемдер банктің тұрақты қаржылық көрсеткіштері мен акционерлер алдындағы міндеттемелерін орындауға дайындығын көрсетеді.
