Әлем чемпионаты: Түркия, Украина, Италия соңғы жолдамалар үшін таласады

2026 жылғы Әлем чемпионатының іріктеу кезеңі өз мәресіне жақындады. Бүгін Еуропаның соңғы төрт жолдамасы «өткел матчтары» (стыковые матчи) арқылы сарапқа салынады.

Қатысушылар мен формат

Еуропалық іріктеуде бақ сынайтын 16 құрама 4 жолға (A-D жолдары) бөлінген. Әр жолда жартылай финал мен финал тек бір ойыннан тұрады. Әлем біріншілігіне бару үшін командалар қатарынан екі жеңіске жетуі тиіс.

Турнирдің басты қатысушылары: Италия, Польша, Украина, Уэльс және Швеция сияқты азулы ұжымдар екінші мүмкіндікті пайдаланып көрмек.

Ойын кестесі

Матчтардың жартылай финалдары бүгін 26 наурызда, ал шешуші финалдар 31 наурызда өтеді.

Негізгі жұптар:

• A жолы: Италия – Солтүстік Ирландия; Уэльс – Босния және Герцеговина.
• B жолы: Украина – Швеция; Польша – Албания.
• C жолы: Түркия – Румыния; Словакия – Косово.
• D жолы: Дания – Солтүстік Македония; Чехия – Ирландия.

Ойындарды қайдан көруге болады

Бүгін қазақстандық жанкүйерлер назарына келесі ойындар тікелей эфирде ұсынылады:

Сарапшылар басты фаворит ретінде төрт дүркін әлем чемпионы Италияны атайды. Дегенмен, италиялықтар қатарынан үшінші мәрте әлем біріншілігінен тыс қалу қаупінде тұр. Сондай-ақ, Украина, Польша, Дания және Түркия құрамаларының мүмкіндігі жоғары деп бағаланып отыр.

Жолдама алғандар қай топқа түседі?

Жеңімпаздар Әлем чемпионатындағы топтарға алдын ала бөлініп қойған:

• А жолының жеңімпазы: Канада, Катар, Швейцария.
• В жолының жеңімпазы: Нидерланды, Жапония, Тунис.
• С жолының жеңімпазы: АҚШ, Парагвай, Австралия.
• D жолының жеңімпазы: Мексика, Оңтүстік Африка, Оңтүстік Корея.

Айта кетейік, АҚШ, Мексика, Канада елдерінде өтетін футболдан Әлем Чемпионатына іріктеуден өткен Иран құрамасы қатыспауы мүмкін.