Data Embassy: Шетелдің ірі деректері Қазақстанда сақталу мүмкін
Шымкентте өткен «Digital Kazakhstan» форумында Үкімет басшысы Олжас Бектенов Қазақстанның цифрлық әлемдегі жаңа мүмкіндіктерін таныстырды. Оның ішіндегі ең маңызды жаңалықтың бірі – шет мемлекеттердің өз деректерін Қазақстандағы серверлерде сақтауына жағдай жасайтын «Data Embassy» (деректер елшілігі) форматының іске қоспақ.
Бұл жүйе арқылы басқа елдер өз мәліметтерін Қазақстан аумағында орналастыра отырып, оған толық заңды егемендігін сақтай алады.
Премьер-министрдің айтуынша, елде деректерді сақтаудан бастап, күрделі есептеулер жүргізуге дейінгі толық циклді инфрақұрылым дайын.
Қандай инфрақұрылым құрылған?
Қазақстанның арзан электр қуаты мен интернет сигналының өте жылдамдығы оны жоғары өнімді есептеу жүйелерін орналастыру үшін әлемдегі ең тартымды аймақтардың біріне айналдырып отыр.
Қазіргі таңда елімізде әлемдік Топ-500 рейтингіне кіретін AlemCloud және Alfarabium сияқты алып суперкомпьютерлік кластерлер жұмыс істеп тұр.
Оған қоса, әлемдік технологиялық алпауыт NVIDIA компаниясымен серіктестікте суверенді есептеу хабы құрылуда. Павлодар облысында қуаты 1 гигаваттқа жететін «Деректерді өңдеу орталықтарының алқабы» жобасы жүзеге асырылып жатыр.
Олжас Бектенов халықаралық компанияларды Қазақстанда зерттеу зертханаларын ашуға шақырып, мемлекет тарапынан талантты мамандар мен қажетті деректер қоры ашық болатынатап өтті. Бұл қадамдардың барлығы Қазақстанды жақын арада өңірлік цифрлық хабқа айналдыруды көздейді.
Сарапшылардың болжамынша, 2030 жылға қарай жасанды интеллектінің әлемдік экономикаға қосатын үлесі 22 трлн доллардан асады. Қазірдің өзінде Қазақстанның нақты сектор кәсіпорындарында автономды техникалар, дрондар мен өнеркәсіптік роботтар қолданысқа еніп жатыр.
Қазақстан БҰҰ-ның электронды үкімет индексінде 193 елдің ішінде 24-орынды иеленсе, онлайн-қызметтер сапасы бойынша әлемдік үздік ондыққа кіреді.
