28 наурыз күні Армения астанасы Еревандағы «Tashir Arena» кешенінде бүкіл Азия жұртшылығы асыға күткен Hype Fighting Asia турнирі өтеді.
Кештің басты жекпе-жегінде Еркебұлан Тоқтар мен Қырғызстанның жеңіліс көрмеген файтері Марсель Нұрланбекұлы кездеседі.
Тікелей эфир: қайдан және қашан көреміз
Жекпе-жектің трансляциясы телеарналарда көрсетілмейді. Сондықтан жанкүйерлер мына платформаларды пайдалана алады:
Kick платформасы (Негізгі трансляция): Турнирдің ресми көрсетілімі kick.com/hypefighting арнасында жүргізіледі. Бұл лиганың негізгі стримингтік серіктесі.
Турнирдің басталуы Астана уақытымен кешкі сағат 19:00-20:00 шамасында жоспарланған. Ал Еркебұлан мен Марсельдің кездесуі кештің соңында, шамамен 22:00-ден кейін басталады деп күтіліп отыр.
Жекпе-жектің ерекшелігі
Айқас классикалық ММА емес, бокс ережесі бойынша, бірақ ММА қолғаптарымен өтеді. Мұндай формат соққының жойқындығын арттырып, кездесудің кез келген секундта нокаутпен аяқталуына мүмкіндік береді.
Еске сала кетейік, Еркебұлан Тоқтар соңғы жекпе-жегінде өзбекстандық Тимур Никулинді 72-секундта сұлатып түсірген. Қарсыласы Марсель Нұрланбекұлы болса кәсіби мансабында әлі жеңіліп көрмеген. Негізінен грэпплинг шебері болғанымен, бұл жолы жұдырықпен ғана жұмыс істеуге тура келеді.
