Ақмолада бизон бағып жүрген инвестордың жерін тартып алуға тырысқан

Ақмола облысында прокурорлар инвесторды 16 мың гектар жерді тартып алудан қорғап қалды, деп хабарлады Бас прокуратураның Инвесторлардың құқықтарын қорғау комитеті.

Кәсіпкер экотуризм саласындағы халықаралық жобаны жүзеге асыруда. Компания Қазақстанға бизондарды әкелді, сондай-ақ Пржевальский жылқыларының популяциясын қалпына келтіруді және асыл тұқымды жылқы шаруашылығын дамытуды жоспарлап отыр.

Алайда өңірдің жер ресурстарын басқару департаменті учаскені қайтарып алуды талап етіп, сотқа жүгінген. Мемлекеттік органның мәліметінше, жер мақсаты бойынша пайдаланылмаған. Бірінші сатыдағы сот талап арызды қолдады.

«Қадағалау органы заң бұзушылықтардың формальды сипатта болғанын және оларды мұндай қатаң шараларсыз-ақ түзетуге болатынын анықтады. Прокуратура ықпал ету шаралары бұзушылықтың ауырлығына сәйкес келуі тиіс деген барабарлық принципін ескере отырып, инвесторды қолдады. Қадағалау органы араласқаннан кейін департамент талап арыздан бас тартты», – делінген хабарламада.

Апелляциялық алқа бірінші сатыдағы соттың шешімін жойды. Компания жобаны жүзеге асыруды жалғастырады.