Көпшілік көңілінен шыққан шағын BYD Yuan Up кроссовері енді тек электрлі ғана емес, гибрид нұсқада да шығады. Қазақстандағы бренд дистрибьюторы Astana Motors гибрид (PHEV) кроссовердің нарыққа шығатынын растады.
Жүргізушілерге электр нұсқасында не ұнамайды
Қазір Қазақстанда ресми түрде тек толық батареялы Yuan Up ұсынылған. Модель жақсы сатылса да, кейбір жүргізушілер, әсіресе солтүстікте тұратындар қыс мезгілінде толық бір қуатпен жүретін жол тым қысқа деп шағымданған.
Super Hybrid DM-i технологиясымен жабдықталған гибридті нұсқа осы олқылықтың орнын толтырды. Көліктің қосалқы жүріс қашықтығы 1000 км-ден асады.
Ресми пікір
Astana Motors баспасөз қызметі «Курсив Авто» сауалына берген жауабында автокөлік модельдерінің қатарын кеңейту бойынша жұмыстар жүргізіп жатқанын растады.
«BYD Yuan Up-тың гибридті нұсқасын жергілікті нарыққа шығару мүмкіндігі қарастырылып жатыр. Модель Қазақстанда 2026 жылдың екінші жартысында пайда болады деп күтілуде. Сатылым уақыты мен жабдықтау нұсқалары туралы ресми ақпарат кейінірек хабарланатын болады», – деп мәлімдеді компания.
Гибрид нұсқа қандай болады
BYD Yuan Up DM-i 1,5 литрлік бензин қозғалтқышы мен қуатты электромоторды біріктіреді. Мұндай комбинация қала ішіндегі жолда электрокар ретінде (бір қуатта шамамен 100 км) және алыс сапарларда үнемді гибрид ретінде пайдалануға мүмкіндік береді. Жүйенің жалпы қуаты 212 а.к., ал 0-ден 100 км/сағ дейінгі үдеу шамамен 7,5 секундты алады.
BYD Yuan Up қандай модельдерге бәсеке болуы мүмкін
Гибридтің пайда болуы брендтің Қазақстандағы позициясын күшейтеді. Толық электрлі көліктерден айырмашылығы, PHEV нұсқасы Chevrolet Tracker сияқты кроссоверлермен бәсекелесе алады. Тіпті одан да жақсырақ мүмкіндіктер ұсынады. Мысалы, 360° камера, панорамалық шатыр және интеллектуалды круиз-бақылау.
Қазақстан нарығына арналған баға мен жабдықтау нұсқалары сатылым басталар алдында жарияланады.
Айта кетейік, гибридті Yuan Up жақын арада көрші Өзбекстан нарығына шығып қалады. Онда модель жергілікті жиналған нұсқада Flagship жабдықтамасында 266,7 млн сумға (шамамен 10,4 млн теңге) ұсынылады.
Еске салайық, қытайлық BYD төрт жылдан кейін алғаш рет жылдық пайдасының шамамен 20%-ға азайғанын мәлімдеді. BYD-дың жылдық пайдасын 32,6 млрд юаньға ($4,72 млрд) жеткенін хабарлады, бұл өткен жылмен салыстырғанда шамамен 20%-ға аз және компанияның күткенінен 8,4%-ға төмен.
