Бейбіт Әлібековтің танымал «По домам» YouTube-жобасының кезекті шығарылымы қазақстандық шоу-бизнестің ең жарасымды жұптарының бірі Баян мен Тұрсын Алагөзовтердің шаңырағына арналды. Сәнді өмір салты мен талғампаздықтың символына айналған бұл үйдің іші де, сырты да көрерменді таңғалдырмай қоймады.
4 гектар жер және 2000 шаршы метрлік жайлылық
Алагөзовтер отбасы қаланың қарбаласынан жырақ, табиғат аясындағы кең аумақта тұрады. Үйдің жалпы ауданы 2000 шаршы метрді құраса, оны қоршаған жер телімі 4 гектарға созылып жатыр.
Киіз үй
Зәулім үйдің ауласындағы ең басты ерекшеліктердің бірі заманауи үлгідегі сәнді киіз үй. Бұл тек қонақ күтетін орын емес, отбасының дәстүрге деген құрметін көрсететін символикалық кеңістік. Киіз үйдің ішкі жабдықталуы заманауи стиль мен ұлттық колоритті шебер ұштастырған.
Жеке фитнес орталығы мен бассейн
Тұрсын мен Баян Алагөзовтер спортқа ерекше көңіл бөледі. Сондықтан үй ішінде кәсіби деңгейдегі тренажер залы мен фитнес орталығы орналасқан. Мұнда спортзалға бармай-ақ, кез келген уақытта жаттығу жасауға барлық жағдай жасалған. Ал жаттығудан кейін сергу үшін үйде кең бассейн де қарастырылған.
Бейбіт Әлібеков түсірілім барысында үйдің ішіндегі қызықты детальдарды да көрсетті:
Жеке бар: Үй иелерінің қонақжайлылығын айғақтайтын, түрлі сусындарға толы кәсіби бар сөресі.
Тұрсын Алагөзовтің гардеробы
Кәсіпкердің стильге деген ерекше көзқарасы оның жеке гардеробынан анық байқалады. Мұнда әлемдік брендтердің костюмдері мен аксессуарлары мінсіз тәртіппен жиналған.
Еске сала кетейік, бұған дейін Тұрсын Алагөзовтің бір күртешесі 13 млн теңге тұратынын жазған едік.
