Моңғолия астанасы Ұлан-Батыр қаласында өтіп жатқан Азия чемпионаты шешуші кезеңге таяды. Бүгін, 5 сәуір күні, Қазақстан құрамасының бірнеше былғары қолғап шебері жартылай финал жолдамасы мен жүлделі орын үшін сынға түседі.
Күндізгі сессия (Сағат 09:00-де басталады)
Күндізгі уақытта екі бірдей аруымыз рингке көтеріледі:
48 келі: Айгерім Сәттібаева — Сабина Бобокулова (Өзбекстан).
57 келі: Ұлжан Сәрсенбек — Пунрауе Руенрос (Тайланд).
Кешкі сессия (Сағат 14:00-де басталады)
Күннің екінші жартысында ерлер арасындағы тартысты жекпе-жектер жалғасады:
75 келі: Сабыржан Аққалықов — Тайга Яги (Жапония).
80 келі: Ерасыл Жақпеков — Фазлиддин Еркинбоев (Өзбекстан).
90 келі: Сағындық Тоғамбай — Хуежен Хан (Қытай).
Барлық жекпе-жекті Qazsport арнасы тікелей эфирде көрсетеді.
Еске сала кетейік, бұған жейін ағайынды Махмұд пен Төрехан Сабырхандар және Айбек Оралбай жартылай финалға шыққан еді.
