MSCI дамушы нарықтар акцияларының индексі 0,7%-ға, ал валюталардың баламалы индексі 0,3%-ға көтерілді. Азия өңірінде Оңтүстік Корея воны ең үздік нәтиже көрсетті, өйткені мұнай бағасы сауда-саттықтың басындағы өсімді ішінара теңестірді.
Нарықтағы оптимизмнің оянуына Axios агенттігінің хабарламасы себеп болды. АҚШ, Иран және өңірлік делдалдар тобы соғыстың түпкілікті аяқталуына жол ашатын 45 күндік бітім шарттарын талқылап жатыр.
Қазір негізгі назар Ормұз бұғазы арқылы кемелердің өту жағдайын жақсартуға бағытталған, бұл мұнай бағасына түсетін қысымды азайтуға тиіс.
Сарапшылар пікірі
«Бүгінгі баға динамикасы нарықтардың ықтимал атысты тоқтату туралы күтілімдерге реакция білдіріп жатқанын көрсетеді», – дейді Сингапурдағы JB Drax Honore компаниясының Азия бойынша стратегі Вивек Раджпал.
Сарапшы наурыздағы тәуекел сыйлықақылардың күрт өсуіне әкелген шұғыл қозғалысты ескергенде, қазіргі бағалаулар кезінде нарықтар шиеленістің бәсеңдеуі, бітімгерлік ықтималдығын да есепке алуы керектігін айтты.
Орталық банктердің әрекеті
Аймақтағы орталық банктер доллардың нығаюы мен мұнай бағасының күрт өсуі жағдайында ұлттық валюталарын қолдау бойынша күш-жігерін арттырды.
Энергия ресурстарының қымбаттауы экономикалық перспективаларға кері әсер етіп, өткен айда үнді рупиясы, филиппин песосы және индонезия рупиясы рекордтық төмен деңгейге дейін құлдыраған болатын.
Еске сала кетейік, Ормұз бұғазы төңірегіндегі риторика екіұшты күйінде қалып отыр. Ақ үй оны ашудың нақты жоспарын ұсынбады және іс жүзінде АҚШ өзін бұл бағытқа тәуелді деп санамайтынын аңғартып отыр. Осыған байланысты жаһандық мұнай жеткізілімдеріне төнетін қауіп сақталып тұр.
Сонымен қатар келіссөздер процесіне қатысты сигналдар да қарама-қайшы. Осылайша, нарықтардағы белгісіздік деңгейі әлі де жоғары. Осы жағдай аясында мұнай бағасы күрт көтеріліп, бұл инфляциялық күтулерді нашарлатып, мөлшерлемелерге сезімтал сегменттерге қысымды күшейте түсті.
