Дүйсенбіден бастап курортқа тек эко-автобустармен немесе таксимен көтерілуге болады. Шымбұлақтағы аспалы жолдарда жоспарлы профилактикалық жұмыстар басталады.
Қай аспалы жолдар және қашан жабылады:
- Комби-2 – 2026 жылғы 9 сәуір мен 30 сәуір аралығында;
- Медеу – Шымбұлақ гондола жолы және Комби-1 – 13 сәуір мен 30 сәуір аралығында;
- ККД-4 аспалы-креслолы жолы – 16 сәуір мен 30 сәуір аралығында.
13 сәуірден бастап курортқа тек эко-автобустармен немесе таксимен көтерілу мүмкін болатыны атап өтілді.
Еске сала кетейік, бұған дейін Kursiv Media Қазақстан, Қырғызстан және Түркиядағы тау-шаңғы курортындағы бағаларды салыстырған еді.
