Алматы қаласының тұрғыны президентке бейнеүндеу жолдап, мегаполистегі орта мектептердің бірі түлектер кешіне 200 мың теңгеден жинап жатқанына шағымданды.
Президент мырза
Қомақты соманы қалтасы көтере алмайтынын айтқан ата-ана президенттен араша сұрады. Үндеу журналист Михаил Козачковтың Telegram-арнасында жарияланды.
«Құрметті Қасым-Жомарт Кемелұлы. Көп баласы бар ана ретінде Сізге үндеу жолдап отырмын. Биыл менің балам Алматы қаласындағы орта мектептердің бірін аяқтайды», – деп бастады ана мемлекет басшысына үндеуін.
Оның айтуынша, үндеу авторының баласы оқитын мектеп әр оқушыдан 200 теңгеден жинап жатыр.
«Тіпті одан да көп. Орта мектеп үшін айтарлықтай көп ақша. Отбасылардың бәрінің қалтасы көтере бермейді», – деп шағымданды көпбалалы ана.
Күмән туғызады
Бұған қоса, ата-ана шығындар жоспарына күмән келтіріп отыр. Қаржы саласында отыз жылдық тәжірибесі бар ана мектеп басшылығы мен білім басқармасына тиімді ұсыныс жасаған, алайда оны ешкім қарамаған.
«Оны басқа да сыныптарға көрсетуді қажет деп таппады. Сол себепті басқа сыныптардағы жүз ата-ана тиімді ұсыныс барынан хабарсыз қалды», – дейді ол.
Еститін үкіметке сенетін ата-ана президенттен жылдан-жылға ұласып, шешілмей келе жатқан әлеуметтік мәселеге араласуды сұрайды.
«Маған балаңды ойла деушілер көп. Соның болашағының қамын жегендіктен де осындай қадамға барып отырмын. Орта мектептердің күмәнді әдіспен ақша жинауы қалыпты жағдайға айналмауы, осында оқитын бала соған үйренбеуі керек деп есептеймін», – деді үндеу авторы.
Ата-ана білім басқармалары ақша жинауға қатыспайды дегенге күмән келтіріп, мұндай науқандар мектептің өз ішінде – чаттарда жиналып жатқанын айтып өтті.
Биыл оқу маусымы 2026 жылғы 25 мамырда аяқталады. Соңғы қоңырау әдетте оқу жылының соңғы күндері соғылады. Содан кейін түлектер мектеппен қоштасу кешін өткізеді.
