Instagram әлеуметтік желісі жаңа функция енгізді – енді қолданушылар жазған пікірін 15 минут ішінде өңдей алады.
Бұл туралы Instagram Х әлеуметтік желісінде хабарлады.
«Instagram-да жазған пікірді енді өңдеуге болады. Ол үшін пікір жариялағаннан кейін 15 минут ішінде өзгерістер енгізе аласыз», – деп мәлімдеді компания.
Бұған дейін Instagram жаңа қауіпсіздік шараларын енгізді. Осылайша егер жасөспірім бірнеше рет суицидке немесе өз-өзіне зиян келтіруге қатысты контентті іздесе, ата-аналасына хабарлама жіберілетін болды.
