Біріккен Араб Әмірліктерінің үкіметі ОПЕК-тен шығу туралы шешімін ұлттық мүдделерді қорғау және нарықтағы мұнай ұсынысын арттыруға деген ұмтылыспен түсіндірді, деп хабарлайды Reuters.
БАӘ Энергетика министрі Сухейль аль-Мазруи мәлімдегендей, бұл шешім Араб шығанағы мен Ормуз бұғазы арқылы тасымалдаудың қазіргі үзілістеріне байланысты. Оның айтуынша, осы факторлар аясында әлемдік мұнай сұранысының одан әрі өсуі күтіледі.
«БАӘ ұзақ уақыт бойы ОПЕК және ОПЕК+ мүшесі болып келеді. Бірақ болашақта әлем энергияның көбірек көлемін талап етіп, қажет ететінін көріп отырмыз», – деді аль-Мазруи.
Министр Әмірліктердің картельдің басқа қатысушыларымен кеңес жүргізбегенін және шешімді өз бетінше қабылдағанын атап өтті.
Бұған дейін БАӘ 2026 жылдың мамыр айынан бастап ОПЕК және ОПЕК+ мұнай экспорттаушы елдер ұйымынан шығатынын мәлімдеді.
Бұл шешім Парсы шығанағы елдері арасындағы келіспеушіліктерді ушықтырған Иранмен соғыс салдарынан туындаған энергетикалық дағдарыс аясында қабылданды.
Негізгі проблемалардың бірі – Ормуз бұғазы арқылы жеткізілімдердің тоқтап қалуы. Бұл Иран мен Оман арасындағы тар өткел, ол арқылы әлемдік мұнай мен сұйытылған газ жеткізілімінің бестен бір бөлігі өтеді.
Еске сала кетейік, БАӘ 1967 жылдан бері ОПЕК мүшесі болып табылады және Сауд Арабиясы мен Иракпен бірге картельдегі ең ірі үш өндірушінің қатарына кіреді.
Наурыз айында ОПЕК тәулігіне 7,88 млн баррель мұнайдан айырылды.
