Қытай әлемдегі ең ірі, шамаман 1,3–1,4 млрд баррель мұнай қорын жинақтады. Бұл классикалық мемлекеттік стратегиялық резерв (SPR) емес, мемлекеттік қор мен коммерциялық қорлардың гибридті түрі, ол импортты 100–120 күн бойы жабуға мүмкіндік береді. Ел күніне шамамен 10–11 млн баррель мұнай импорттайды және бұл көлемнің 40–45%-ы Ормұз бұғазына тәуелді.
Резерв қалыптастыру стратегиясы
2025 жылы Қытай стратегиялық мұнай қорын күн сайын орта есеппен 1,1 млн баррельге толықтырып, жыл соңына қарай жалпы көлемі шамамен 1,4 млрд баррельге жетті.
Үкіметтің алдын ала мәліметіне сәйкес, Иранмен қақтығыс басталғанға дейін Қытай 2026 жылы да қор жинауды жалғастырған.
Осы талдау аясында Қытайдың мемлекеттік және коммерциялық қорларын стратегиялық резервтер бөлігі деп санаймыз.
Өйткені 2024 жылдан бастап ұлттық мұнай компанияларына төтенше жағдайларға арналған мұнайды коммерциялық қорларға қосу тапсырылды, бұл – іс жүзінде стратегиялық резервтің екінші көзі.
Таяу Шығыстағы қақтығыстар мен Парсы шығанағындағы мұнай өндірісінің тоқтап қалуына байланысты Goldman Sachs банкі мұнай бағасына қатысты болжамын өзгертті. Банк сарапшылары жыл соңына қарай Brent маркалы мұнайдың бағасы бұрын айтылған 80 доллардың орнына 90 доллар шамасында болады деп есептейді.
