2006 жылғы аңызға айналған туындының жалғасы – «Prada киген әзәзіл 2» фильмі прокаттың алғашқы күндерінен-ақ рекорд орнатып жатыр.
Фильм әлемдік прокаттағы алғашқы демалыс күндері (уикенд) 233,6 млн доллар жинап, кассалық рекорд орнатты. Көрсеткіш 2006 жылғы бірінші бөлімнің АҚШ-тағы бастапқы табысынан (27,5 млн доллар) бірнеше есе асып түсті.
Бас рөлді сомдаған Мерил Стриптің мансабындағы ең табысты премьера ретінде тіркелді. Киноға деген қызығушылық оның шығуынан бұрын-ақ байқалған еді. Трейлері алғашқы 24 сағат ішінде 222 млн рет қаралып, «20th Century Studios» компаниясының тарихындағы абсолютті рекордты жаңартты.
Қазақстандағы жағдай
Қазақстандық көрермендер де әлемдік трендтен қалыс қалар емес. Ticketon мәліметтері бойынша, 30 сәуір мен 3 мамыр аралығында фильм елімізде 626 121 971 теңге табыс тауып, рейтингтің көшін бастады.
| Фильм атауы | Кассалық жиын (теңге) | Прокаттағы уақыты |
| Prada киген әзәзіл 2 | 626 121 971 | 1 апта |
| Майкл | 182 208 718 | 2 апта |
| Періште | 136 820 970 | 3 апта |
| Алдар. Махаббат туралы аңыз | 80 307 500 | 2 апта |
| Мен үшін өмір сүр | 70 216 510 | 1 апта |
| Мүшел жас | 42 543 136 | 2 апта |
| Qara | 24 639 485 | 1 апта |
| Супер Марио: Галактикалық кино | 21 296 925 | 5 апта |
| Мумия Ли Кронина | 11 539 684 | 3 апта |
Еске сала кетейік, өткен аптада ең көп касса жинаған фильм Құралай Анарбекованың «Періште» фильмі алғашқы аптасында 225 млн жинаған еді.
