Ұлттық статистика бюросының мәліметінше, 2026 жылғы қаңтар-сәуір айларының қорытындысы бойынша Қазақстанда мұнай және газ өндіру, сондай-ақ негізгі мұнай өнімдерін шығару құлдыраған.
Қазақстандағы өндірістің төмендеуі
2026 жылдың қаңтар-сәуір айлары (өткен жылмен салыстырғанда, %)
Есепті кезеңде мұнай мен газ конденсатын өндіру көлемі 28,343 миллион тоннаны құрады.
Бұл өткен жылдың сәйкес кезеңімен салыстырғанда 13,8%-ға аз. Табиғи газ (газ тәрізді күйде) өндірісі де 11,3%-ға қысқарып, 19,6 миллиард текше метрді құрады.
Мұнай өңдеу секторында да өндіріс қарқынының бәсеңдегені байқалады. Жыл басынан бері автобензин (авиациялық бензинді қоса алғанда) өндірісі 1,979 миллион тоннаны құрап, бір жыл ішінде 5%-ға төмендеді.
Дизель отынын шығару көлемі 1,958 миллион тонна болып, былтырғы деңгейден шамалы ғана (0,9%-ға) азайды.
Сонымен қатар, төрт айдың ішінде 0,249 миллион тонна керосин өндіріліп, жылдық көрсеткіш 3,3%-ға қысқарды.
Ал мазут өндірісі қатты құлдыраған: қаңтар-сәуір айларында 0,476 миллион тонна мазут шығарылып, өндіріс көлемі өткен жылмен салыстырғанда бірден 34%-ға төмендеген.
Айта кетейік, Каспий құбыры желісі маусым айында мұнай экспортын 17%-ға қысқартпақ.
