Атырау облысының қылмыстық істер жөніндегі мамандандырылған ауданаралық сотында Сұлтан Сәрсемалиевке қатысты алдын ала сот тыңдауы басталды.
Сәрсемалиев өзін фото-видеоға түсіруге қарсылық білдірмеді. Сотталушыға төрт адамды өлтірді деген айып тағылып отыр. Одан бөлек ұрлық және алаяқтық жасады деген айып тағылған.
Қылмыстық істі судья Зарема Хамидуллина қарап жатыр.
Сұлтан Сәрсемалиев туралы не белгілі?
Сотта Сұлтан Сәрсемалиев білімі орта екенін, тұрақты жұмысы болмағанын айтты. Сөзінше, 2022 жылдың қыркүйегінде ажырасқан.
