JP Morgan сарапшыларының пікірінше, теңгенің күнделікті динамикасы біршама ретсіз, спот нарығында екі бағытта да күрт өзгерістер байқалып отыр. Дүйсенбі күні таңертең доллардың айтарлықтай ұсынысынан кейін USD/KZT бағамы 468-ге дейін төмендеген еді, алайда кеше жұп 473 деңгейінде жабылды.
Инвестициялық банк өкілдері әлі де офшорлық шоттар тарапынан пайданы бекіту үрдісін көріп отырғанын айтады. Олар кез келген одан әрі жоғарылау қозғалысы қайтадан 475 деңгейімен шектеледі деп болжап отыр.
Ал 22 сәуірдегі жағдай бойынша (Астана уақытымен 11:50-де), доллардың құны 469,90 теңгені құрады. Алматы және Астана қалаларындағы айырбастау орталықтары долларды 469-470 теңгеден қабылдап, 472-473 теңге аралығында сатуда.
Еске сала кетейік. Ұлттық Банк Үкіметтің өтініміне сәйкес, мамырда бюджет қажеттіліктері үшін Ұлттық қордан 400 – 500 млн долларға тең валюта сатпақ.
