Ұлттық қауіпсіздік комитетінің Шекара қызметі елден мұнай өнімдерін заңсыз шығарудың алдын алу бойынша жүргізілген жұмыстардың нәтижесін жариялады.
Ведомствоның хабарлауынша, жыл басынан бері өткізу бекеттерінде жанар-жағармай материалдарын заңсыз тасымалдаудың 2400-ден астам дерегі анықталып, жолы кесілген.
«Тәркіленген өнім көлемі (бензин, дизель отыны, керосин және басқа да мұнай өнімдері) 300 тоннадан асты. Оның жалпы құны шамамен 60 млн теңгені құрайды», – делінген хабарламада.
ҰҚК кінәлі адамдар заң аясында жауапқа тартылғанын мәлімдеді.
Еске салсақ, осыған дейін Ақтөбе облысында контрабандалық жолмен 8 млрд теңгенің мұнай өнімдерінің ұрланғаны анықталған болатын.
