Иран мен Израиль бір-біріне қарсы әскери операцияларды тоқтататынын жариялады. Tasnim агенттігінің ақпаратына сәйкес, Иранның қарулы күштері Ливанға жасалған шабуылдары үшін Израильге ауыр соққы берген.
«Осы негізде әскери операциялардың тоқтатылғаны жарияланады, бірақ агрессия мен зұлымдық, соның ішінде Ливанның оңтүстігінде жалғасатын болса, бұрынғыдан да шешуші және жойқын әрекеттер жасалатыны атап өтіледі», – делінген мәлімдемеде.
Израиль премьер-министрі Биньямин Нетаньяху өз кезегінде Иранға қарсы шабуылдар әзірге тоқтатылғанын айтып, егер шабуылдар қайта басталса, Израиль Тегеран мен «Хезболлаға» соққы беретінін ескертті, деп хабарлайды The Times of Israel.
«Бүгін Иран мен Хезболла бұрынғыдан да әлсіз, ал біз бұрынғыдан да күштіміз. Бірақ оларға қарсы күресіміз әлі аяқталған жоқ», – деді Израиль премьер-министрі видеоүндеуінде.
Израиль Қорғаныс армиясының тыл қолбасшылығы Иранмен болған соңғы шиеленіске байланысты енгізілген шектеулердің алынғанын мәлімдеді, бұл ел бойынша мектептердің жұмысын қайта бастауға мүмкіндік береді.
25 мамырда АҚШ президенті Дональд Трамп жанжалдасушы тараптар әлемдік мұнайдың бестен бір бөлігі өтетін Ормұз бұғазын қайта ашуға мүмкіндік беретін меморандумға келісті деп мәлімдеген еді.
