Қасым-Жомарт Тоқаев асыл тұқымды арғымақтарын көруге келіп, жаңадан туған ақалтеке құлындарына ат қойды.
Мемлекет басшысы құлындардың фотосуреттерін өзінің Instagram парақшасында жариялап, жуырда ахалтеке жылқыларының қатары көбейгенін мәлімдеді.
«Бүгін асыл тұқымды арғымақтарды көруге арнайы келдім. Жуырда екі бие құлындап, Ақалтеке жылқыларының қатарына жаңа арғымақтар қосылған», – деп жазды Қасым-Жомарт Тоқаев.
Президент жаңа туған құлынның біріне Ақниет деп қойғанын жеткізді. Ал кейінгі туғанын Бөрте деп атаған.
«Ер жетіліп, бас болар, тай жетіліп, ат болар деген. Желмен жарысқан жүйрік болсын деп тіледім», – деді Президент.
Ақалтеке тұқымы – әлемдегі ең көне жылқы тұқымдарының бірі. Ол төзімділігімен, жүйріктігімен және ерекше келбетімен жоғары бағаланады.
