Футболдан Әлем чемпионатының 1-туры аясында Норвегия құрамасы Иракты 1:4 есебімен талқандады.
Матчтың басты қаһарманы – норвегиялық шабуылшы Эрлинг Холанд атанды.
Бірінші таймдағы тартыс
Ойын басынан-ақ Норвегия құрамасы қарсыластың айып алаңына қысым көрсетті. 29-минутта Эрлинг Холанд есепті ашып, Норвегияны алға шығарды.
Ирак құрамасы тез арада ес жиып, жауап қатты. 39-минут: А. Хусейн есепті теңестірді. Дегенмен, бірінші таймның соңына таман Холанд тағы да көзге түсті.
43-минутта Эрлинг Холанд екінші голын соғып, дубль жасады.
Екінші таймдағы Норвегияның үстемдігі
Екінші таймда қос команда да ойыншыларды алмастырды. 73-минутта Норвегия сапынан бірден төрт жаңа ойыншы (Шьельдеруп, Торстведт, Остигард, Бобб) шықты, бұл Норвегияның шабуылына жаңа серпін берді.
76-минут: Норвегиялық қорғаушы Л. Остигард М. Эдегордың пасынан кейін есепті еселеді – 1:3. Ойынның соңғы минуттарында тағы бір гол соғылды: 90+7 минут: Қосымша уақытта К. Торстведт Эрлинг Холандтың пасынан кейін төртінші голды соғып, матчтың нүктесін қойды . Норвегия құрамасы Әлем чемпионатының алғашқы турындағы маңызды 3 ұпайды еншілеп, өз тобында голдар саны бойынша Франциядан озды.
Айта кетейік, бұған дейін Франция Сенегалды 3-1 есебімен жеңіп, ол ойында Мбаппе екі гол салған еді.
