Қазақстандағы ең ірі тау-кен металлургиялық компанияларының бірі – Eurasian Resources Group (ERG) менеджерлер кеңесінің құрамын жаңартты. Компанияның ресми сайтындағы мәліметке сәйкес, кәсіпорынды Қазақстанның атынан төрт адам басқарады.
Бұл өзгерістер акционерлер арасындағы үлкен мәміле мен ауыс-түйістерден кейін қабылданып отыр.
Жақында белгілі кәсіпкер Шахмұрат Мутәліпке тиесілі «Nature Energy Solutions Ltd.» компаниясы биыл холдингтің 39,3% акциясын иеленген. Бизнесмен бұл үлесті Патох Шодиев (18,6%) пен Александр Машкевичтің мұрагерлерінен (20,7%) сатып алған.
Менеджердер кеңесінде кімдер бар?
Осы үлкен мәміледен кейін басқару құрамы да жаңарып, бұрынғы қожайындардың өкілдері — Сабир Шодиев пен Эдуард Сурлевич кеңестен біржола кеткен. Қазіргі топ-менеджмент құрамы төрт адамнан тұрады:
- Шухрат Ибрагимов (Төраға) — компанияның негізін қалаушы марқұм Әлиджан Ибрагимовтың ұлы. Ол өз қызметін сақтап қалды.
- Шахмұрат Мүтәліп— жаңа ірі акционер. Ол «Integra Construction» құрылыс компаниясының иесі әрі Forbes Kazakhstan (2026 ж.) рейтингінде 482 миллион доллар байлығымен 22-орында тұр.
- Нұрлан Жақыпов — «Самұрық-Қазына» қорының басқарма төрағасы. Ол кеңес құрамындағы Қаржы министрі Мәди Тәкиевтің орнын басты.
- Роман Скляр — Президент Әкімшілігінің басшысы. Ол компанияның 40% үлесіне иелік ететін үкіметтің атынан өз орнын сақтап қалды.
Бұған дейін Eurasian Resources Group (ERG) компаниясының Қазақстандағы активтерін Кудрәт Шамиев басқаратыны хабарланған.
