Өзбекстан Ұлттық Олимпиада комитеті төрағасының бірінші орынбасары, Азия Олимпиадалық кеңесінің вице-президенті Отабек Умаров АҚШ-та әлемдегі ең ірі аралас жекпе-жек ұйымы UFC президенті Дана Уайтпен кездесу өткізді.
Кездесу барысында тараптар спорт индустриясының заманауи даму тенденциялары, кәсіби жекпе-жекті дәріптеу және халықаралық ынтымақтастықтың болашағы туралы пікір алмасты. Дана Уайт UFC-дің қызметі, ұйымның инфрақұрылымы және алдағы жоспарлары туралы егжей-тегжейлі айтып берді.
Ташкенттегі UFC турнирі
Өзбек бокс мектебінің халықаралық деңгейдегі жоғары беделі мен әлемдік спорт элитасындағы орны ескеріле келе, Өзбекстанда UFC аясында ZUFFA Boxing жарыстарын өткізу туралы бастама көтерілді.
UFC турнирлеріне тұрақты түрде қатысып жүрген өзбек спортшыларының саны артып келе жатқанын және елдегі бұл бағыттың қарқынды дамуын ескере отырып, тараптар болашақта Ташкентте UFC турнирін өткізу мүмкіндігін талқылады.
Еске сала кетейік, бұған дейін Ақ үй аумағында АҚШ президенті Дональд Трамптың 80 жасқа толуына және ел тәуелсіздігінің 250 жылдығына орай UFC турнирі өткен еді.
