Елордада соңғы 85 жыл ішіндегі ең ыстық ауа температурасы тіркелді. 23 маусымда Астанада сынап бағанасы +36,8 градусты көрсеткен.
Осындай жоғары ауа температурасы соңғы рет 1941 жылы 23 маусымда тіркелген. Ол кезде +36,4 градусқа дейін аптап ыстық болған.
Жалпы, синоптиктер еліміздің көптеген өңірінде күн ыситынын айтты. Дәлірек айтқанда оңтүстік пен шығыс аймақтарда ауа температурасы 40 градустан асады.
Ал солтүстік пен батыста сәл салқындайды. Бұдан бөлек, солтүстік-батыс пен шығыс аймақтарда жаңбыр жауып, бұршақ түсіп, шаңды дауыл болуы мүмкін.
Сонымен қатар, аптап ыстық Еуропа елдерінде әбігерге салып келеді. Мәселен кейінгі бірнеше күнде Францияда қырық адам суға кетсе, Испанияда ауа температурасы 45 градусқа дейін көтерілді.
