Әлемнің екінші ракеткасы Елена Рыбакина 2022 жылы өзі жеңімпаз атанған Уимблдон турнирін жеңіспен бастады. Алғашқы айналымда қазақстандық теннисші Франциядан келген Лоис Буассонды (154) 6:4, 1:6, 6:3 есебімен жеңді.
Алғашқы матчболдан-ақ ойынды Елена 1 сағат 47 минутта аяқтады – 6:4, 1:6, 6:3. Эйстер саны – 6:3. Барлық ұтып алынған ұпайлар – 82:79.
1/32 финалда екінші нөмірде еленіп орналасқан біздің теннисші румыниялық Елена-Габриэла Русемен (71) немесе америкалық Кэти Макнеллимен (50) ойнайды.
Бублик те жеңіске жетті
Қазақстанның бірінші ракеткасы Александр Бублик (11) Уимблдон турниріндегі алғашқы матчында Австралиядан келген, жұптық сында АО-2022 чемпионы Танаси Коккинакисті (491) 4:6, 6:3, 6:7 (10:12), 6:3, 6:4 есебімен жеңді.
Шешуші сәтте қазақстандық теннисші ширақтық танытып, бесінші геймде қарсыласының доп беруін тартып алды және өте ауыр матчты жеңіске дейін жеткізді. 3 сағат 39 минут ішінде 4:6, 6:3, 6:7 (10:12), 6:3, 6:4. Эйстер саны – 28:27, барлық ұтып алынған ұпайлар – 171:144.
Екінші раундта Бубликтің Тимофей Скатовты (178) ренжіткен теннисшіден есе қайтаруға мүмкіндігі болады. Негізгі кезеңге шығу үшін өткен матчта қазақстандық теннисшіні жеңген француз Кириан Жаке (136) 1/64 финалда Литвадан келген квалифай Вилюс Гаубасты (129) 6:3, 6:4, 7:6 (7:2) есебімен ұтты.
Айта кетейік, осыған дейін даңқты жапон теннисшісі Наоми Осака Үлкен дулыға санатындағы кезекті турнирде ерекше киім үлгісімен көпшілікті тағы таңқалдырған еді.
