Мексиканың астанасы Мехикода футболдан әлем чемпионатында ел құрамасының Эквадор командасын жеңуін тойлау кезінде үш адам кептеліс кезінде қайтыс болды. Адамдардың қаза тапқаны туралы Денсаулық сақтау министрлігі хабарлады.
Алғашында 48 жастағы әйелдің қаза тапқаны белгілі болды. Ол сейсенбі күні кешке матчтан кейін бұл оқиғаны атап өту үшін мыңдаған адам жиналған әйгілі «Тәуелсіздік періштесі» монументінің жанындағы орталық даңғылдан ес-түссіз күйде табылған.
Оқиға орнында парамедиктер реанимациялық іс-шаралар жүргізіп, әйелді ауруханаға жеткізді, бірақ онда тек тұншығу салдарынан болған өлімді тіркеді.
Кейінірек асфиксиядан (тұншығудан) 44 жастағы ер адам мен 19 жастағы бойжеткеннің де қайтыс болғаны белгілі болды.
Мехико мэрі Клара Бругада Молина қаза тапқандардың жақындарына көңіл айтып, жанкүйерлерді жауапкершілікке шақырды.
«Медициналық көмек көрсетудің барлық хаттамалары іске қосылды, алайда, өкінішке орай, олар қайтыс болды. Жүрегім ауыра отырып, олардың жақындарына құшағымды ашып, ең шынайы көңіл айтуымды жолдаймын. Біз тағы бір мәрте әрқашан жауапкершілікпен, қамқорлықпен және жанашырлықпен тойлауға шақырамыз», – деп жазды мэр X желісінде.
¡Felicidades a nuestra Selección Mexicana por este enorme triunfo histórico en casa! Qué orgullo verlos jugar con garra, talento y el corazón que pusieron en la cancha para conseguir el pase a la siguiente ronda.
— Clara Brugada Molina (@ClaraBrugadaM) July 1, 2026
¡Una vez más la #CapitalMásDeportiva demuestra que tiene la mejor… pic.twitter.com/OiKedXSXAm
Бір күн бұрын Мексика құрамасы Эквадорды жеңіп, 1/8 финалға шыққан еді.
